Құрметті талапкерлер!

Биылғы жыл сіздердің көбіңіз үшін сынға толы болмақ, алдарыңызда жоғары білімді қай оқу орнынан аламын деген таңдау тұр. Дұрыс қабылданған шешім келешегіңіз бен кәсіби өсу жолыңыздағы жетістіктерге жол ашады! Жарқын болашағыңыз үшін өз бетіңізше дұрыс шешім қабылдап, барар бағытыңызды бағалауға қабілетті болғанда ғана сіздің қадамыңыз сәтті болады.

Еуразия гуманитарлық институтына – дәстүрге бай, білікті профессорлары мен оқытушылары жеткілікті, заманауи білім беру технологиялары, ғылыми-зерттеу базалары бар, студенттер мен түлектердің үлкен мүмкіндіктеріне жол ашатын жоғары оқу орнына қош келдіңіздер!

ЕАГИ Қазақстан Республикасының Аккредиттелген жоғары оқу орындарының қауымдастығына, ҚР-дың Білім беру мекемелері қауымдастығына, Орталық Азия менеджментті дамыту қорына кіреді; Қазақ психологтер қауымдастығымен, Балаларды қатыгездіктен қорғау ұлттық қорымен (Мәскеу, РФ), «SOS Қазақстандағы балалар ауылы» корпоративті қорымен ынтымақтасады; Қазақстандық жас заңгерлер қауымдастығы және Жастар парламенті қызметін қолдап отырады.

Жоғары Бизнес және Басқару институтының сараптау кеңесінің шешімімен (Женева, Швейцария) ЕАГИ-ге Мүлтіксіз іскерлік беделі үшін алтын медалі берілді. Институт Смоленск мемлекеттік университеті, Волгоград мемлекеттік университеті, Вятка мемлекеттік гуманитарлық университеті, Одинцов гуманитарлық институты, Тюмень мемлекеттік университеті, Орынбор мемлекеттік педагогикалық университеті (Ресей Федерациясы), Халықаралық CONCORDE академиясы (Франция), Инстернационалды біліктілікті көтеру орталығы (Дюсельдорф қ-сы, Германия), София университеті (Болгария), Украина Ұлттық педагогикалық ғылымдар академиясы Тәрбие проблемалары институты сияқты жоғары оқу орындарымен әріптестік қатынас орнатқан.

ЕАГИ дегеніміз – осы өңірдің аумақтық, әлеуметтік-экономикалық жағдайына сай, мамандар дайындау мәселесін ойдағыдай шеше алатын білім мен ғылым орталығы.

Бүгінде институттың заманауи құрал-жабдықтармен жарақтандырылған өз оқу ғимараттары, спорт кешені, тренинг кабинеті, психологиялық кеңес беру кабинеті, мамандандырылған криминалистика кабинеті, криминалистикалық техника зертханасы, студенттік қонақжайы, жаттығу залы, студенттік кафесі, сондай-ақ оқу залдары, электронды каталогі, интернет-класымен бірге мамандандырылған кітапханасы бар.

Институт мемлекеттік стандарттарға сәйкес сапалы білім береді. Институтта жоғары білікті оқытушылар, соның ішінде, ғылым докторлары, кандидаттар мен магистрлер жұмыс істейді. ЕАГИ-де білім беру жүйесінің мынадай сатылары бойынша мамандар дайындау қарастырылған: техникалық және кәсіптік — колледж, жоғары — институт. Мәселен, Еуразия гуманитарлық институты колледжі күндізгі және сырттай оқу нысандарында қажетті мамандықтар бойынша (қазақ және орыс бөлімдері) техникалық және кәсіптік білім берілетін мамандар даярлауды жүзеге асырады.

ЕАГИ-дің профессорлар мен оқытушылар ұжымы ұзақ жылдар бойы өздерінің интеллектуалдық әлеуетін, кәсіби шеберлігі мен тәжірибесін бәсекеге қабілетті жоғары білікті мамандар даярлауға, жоғары адамгершілік пен өмірлік ұстанымы, кәсіби еңбекке деген ынта-ықыласы бар тұлғалар дайындауға жұмсап келеді.

ЕАГИ төрт рет мемлекеттік аттестаттаудан ойдағыдай өтті. ЕАГИ-де мамандар даярлау жеке тұлғаның үйлесімді дамуымен, оның білімі және тәрбиесімен байланысты кешенді міндеттерді шешуге, оларды қазіргі әлемдегі жылдам өзгерістерге толы өмірге бейім болуға дайындауға бағытталған.
Институтта ізденушілердің ғылыми еңбектері жарияланатын ғылыми басылымдар тізбесіне енген «Еуразия гуманитарлық институты хабаршысы», «Қазақ білім академиясының баяндамалары» ғылыми журналдары, ұзақ жылдар бойы оқырмандарды институт өмірінен хабардар етіп тұратын «Жас ұрпақ» газеті тұрақты шығып тұрады.

Жақсы жоғары оқу орны оқу мен ғылымды және қарым-қатынасты: ғылыми жобалар мен өнерпаздықты, спорттық шараларды – бәрін үйлестіре жүргізеді. ЕАГИ студенттері астаналық ЖОО-лардың арасында түрлі спорттық және шығармашылық бағыттар бойынша алдыңғы орындарды алады. Студенттік өзін-өзі басқару студенттік қоғамдық бірлестіктерден, волонтерлік қозғалыстардан, жобалық іс-қимылдардан тұрады десек, одан әркім өз қалауын таба алады.

Бүгінгі талапкердің болашағын айқын әрі сенімді ететін оқу орнына барғаны дұрыс! Егер дарыныңыз, кәсіби және өмірлік мақсат-мұратыңыз болса, өз қабілетіңізді танытып, жарқырай көрінгіңіз келсе, Еуразия гуманитарлық институты сізді күтеді!

Оқу сіздің кемел келешегіңізге серпін берсін!

А. Құсайынов,
ректор, академик,
тарих ғылымдарының докторы, профессор